PËR PENSIONET SHTETËRORE SUPLEMENTARE TË PERSONAVE QË KRYEJNË FUNKSIONE KUSHTETUESE DHE TË PUNONJËSVE TË SHTETIT

Lloji: Ligj

Fletore Zyrtare: nr. 13, datë 1996-05-07

LIGJ

Nr.8097, datë 21.3.1996

PËR PENSIONET SHTETËRORE SUPLEMENTARE TË PERSONAVE QË KRYEJNË

FUNKSIONE KUSHTETUESE DHE TË PUNONJËSVE TË SHTETIT

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Përkufizime

1. Me termin “Ligj për sigurimet shoqërore” do të kuptohet ligj i nr.7703, datë 11.5.1993

“Për sigurimet shoqërore në Republikën e Shqipërisë”.

2. Me termin “Sigurim shoqëror i detyrueshëm” do të kuptohet si gurimi sipas ligjit

nr.7703, datë 11.5.1993 “Për sigurimet shoqërore në Republikën e Shqipërisë”.

3. Me termin “Kushtetuese” do të kuptohet legjislacioni kushtetues.

4. Me termin “Përfitime shtetërore suplementare” do të kuptohen përfitimet që jepen

sipas këtij ligji.

5. Me termin “Vite shërbimi” do të kuptohen vitet e punës së kryer në një nga funksionet

që burojnë nga Kushtetuta ose një nga detyrat në administratën publike, sipas listës së miratuar

nga Këshilli i Ministrave.

6. Me termin “Aksident në shërbim” do të kuptohet ndryshimi i gjendjes shëndetësore (i

njohur nga KMCAP sipas ligjit për sigurimet shoqërore), ose vde kja për shkak dhe gjatë kryerjes

së funksionit a detyrës (për këto të fundit sipas përkufizimeve të dhëna në këtë nen).