Për ratifikimin e Konventës për Themelimin e Komisionit Ndërkombëtar të Kërkesave për Ukrainën, bërë në Hagë më 16.12.2025

Lloji: Ligj

Fletore Zyrtare: nr. 220

LIGJ

Nr. 92/2026

PËR RATIFIKIMIN E KONVENTËS PËR THEMELIMIN E KOMISIONIT

NDËRKOMBËTAR TË KËRKESAVE PËR UKRAINËN, BËRË NË HAGË MË 16.12.2025

Në mbështetje të neneve 78, 81, pika 1, 83, pika 1, dhe 121, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet Konventa për Themelimin e Komisionit Ndërkombëtar të Kërkesave për Ukrainën,

bërë në Hagë më 16.12.2025, sipas tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 18.9.2026

Shpallur me dekretin nr. 511, datë 6.10.2026, të Presidentit të Republikës së Shqipërisë,

Bajram Begaj

KONVENTA PËR THEMELIMIN E KOMISIONIT NDËRKOMBËTAR TË

KËRKESAVE PËR UKRAINËN

Hagë, më 16.XII.2025

PREAMBULA

Nënshkruesit e kësaj Konvente,

Duke ditur detyrimet e të gjitha shteteve sipas nenit 2 të Kartës së Kombeve të Bashkuara, përfshirë

detyrimin për tu përmbajtur në marrëdhëniet e tyre ndërkombëtare nga kërcënimi apo përdorimi i

forcës ndaj integritetit territorial apo pavarësisë politike të ndonjë shteti, apo të çfarëdo lloj mënyre

tjetër që bie ndesh me qëllimet e Kombeve të Bashkuara, si dhe për të zgjidhur mosmarrëveshjet e tyre

ndërkombëtare me mjete paqësore;

Duke shprehur shqetësim të thellë për humbjen e jetëve njerëzore, zhvendosjen e civilëve,