Për ratifikimin e Konventës kuadër të Këshillit të Evropës për Inteligjencën Artificiale, të Drejtat e Njeriut, Demokracinë dhe Shtetin e së Drejtës

Lloji: Ligj

Fletore Zyrtare: nr. 220

LIGJ

Nr. 93/2026

PËR RATIFIKIMIN E KONVENTËS KUADËR TË KËSHILLIT TË EVROPËS

PËR INTELIGJENCËN ARTIFICIALE, TË DREJTAT E NJERIUT, DEMOKRACINË

DHE SHTETIN E SË DREJTËS

Në mbështetje të neneve 78, 81, pika 1, 83, pika 1, dhe 121, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet Konventa kuadër e Këshillit të Evropës për Inteligjencën Artificiale, të Drejtat e Njeriut,

Demokracinë dhe Shtetin e së Drejtës, lidhur në Vilnius, më 5 shtator 2024, sipas tekstit që i

bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 18.9.2026.

Shpallur me dekretin nr. 512, datë 6.10.2026, të Presidentit të Republikës së Shqipërisë,

Bajram Begaj

KONVENTA KUADËR

E KËSHILLIT TË EVROPËS PËR INTELIGJENCËN ARTIFICIALE, TË DREJTAT E

NJERIUT, DEMOKRACINË DHE SHTETIN E SË DREJTËS

(E lidhur në Vilnius, më 5 shtator 2024)

Preambulë

Shtetet anëtare të Këshillit të Evropës dhe palët e tjera nënshkruese,

duke pasur parasysh se qëllimi i Këshillit të Evropës është të arrijë një unitet më të madh ndërmjet

anëtarëve të tij, bazuar veçanërisht në respektin për të drejtat e njeriut, demokracinë dhe shtetin e së

drejtës;

duke njohur vlerën e nxitjes së bashkëpunimit ndërmjet palëve të kësaj Konvente dhe të shtrirjes së