Për ratifikimin e Konventës për Njohjen dhe Ekzekutimin e Vendimeve Gjyqësore të Huaja në Çështjet Civile ose Tregtare

Lloji: Ligj

Fletore Zyrtare: nr. 1, datë 2025-01-07

LIGJ

Nr. 122/2024

PËR RATIFIKIMIN E KONVENTËS PËR NJOHJEN DHE EKZEKUTIMIN

E VENDIMEVE GJYQËSORE TË HUAJA NË ÇËSHTJET CIVILE OSE TREGTARE

Në mbështetje të neneve 78, 81, pika 1, 83, pika 1, dhe të nenit 121, pika 1, të Kushtetutës, me

propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet Konventa për Njohjen dhe Ekzekutimin e Vendimeve Gjyqësore të Huaja në Çështjet

Civile ose Tregtare, bërë në Hagë më 2 korrik 2019, sipas tekstit që i bashkëlidhet këtij ligji dhe është

pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 19.12.2024.

Shpallur me dekretin nr. 431, datë 27.12.2024, të Presidentit të Republikës së Shqipërisë, Bajram

Begaj.

KONVENTA PËR NJOHJEN DHE EKZEKUTIMIN E

VENDIMEVE GJYQËSORE TË HUAJA NË ÇËSHTJET CIVILE OSE TREGTARE

(nënshkruar më 2 korrik 2019)

Palët kontraktuese të kësaj Konvente,

duke synuar promovimin e aksesit efektiv në drejtësi për të gjithë dhe lehtësimin e tregtisë dhe

investimeve shumëpalëshe të bazuara në rregulla, si edhe të lëvizjes, nëpërmjet bashkëpunimit gjyqësor;

duke besuar se ky bashkëpunim mund të rritet me krijimin e një grupi të unifikuar rregullash themelore

për njohjen dhe ekzekutimin e vendimeve gjyqësore të huaja në çështjet civile ose tregtare, me qëllim

lehtësimin e njohjes dhe ekzekutimit të efektshëm të këtyre vendimeve gjyqësore;