Për disa shtesa dhe ndryshime në ligjin nr. 7975, datë 26.7.1995, "Për barnat narkotikë dhe lëndët psikotrope", i ndryshuar

Lloji: Ligj

Fletore Zyrtare: nr. 11, datë 2025-01-20

LIGJ

Nr. 128/2024

PËR DISA SHTESA DHE NDRYSHIME NË LIGJIN NR. 7975, DATË 26.7.1995,

“PËR BARNAT NARKOTIKË DHE LËNDËT PSIKOTROPE”, I NDRYSHUAR

Në mbështetje të neneve 78 dhe 81, pika 1, të Kushtetutës, me propozimin e një deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 7975, datë 26.7.1995, “Për barnat narkotikë dhe lëndët psikotrope”, i ndryshuar,

bëhen këto shtesa dhe ndryshime:

Neni 1

Titulli i ligjit ndryshon si më poshtë:

“Për lëndët narkotike, psikotrope dhe të kontrolluara”.

Neni 2

Në të gjithë përmbajtjen e ligjit:

a) termi “tabelë” zëvendësohet me termin “grup”, me përjashtim të përcaktimeve në nenet 45

dhe 50, ku termi “tabelë” zëvendësohet me termin “listë”;

b) termi “bar/barna” zëvendësohet me termin “lëndë” në titullin e projektligjit dhe në të gjithë

përmbajtjen e tij, me përjashtim të neneve 66, 67, 68, 69, 85, 86, 87 të ligjit.

c) togfjalëshi “Qendra Kombëtare e Kontrollit të Barnave” (QKKB) zëvendësohet me

togfjalëshin “Agjencia Kombëtare e Barnave dhe Pajisjeve Mjekësore (AKBPM)”.

Neni 3

Në nenin 1 dhe nenin 79 pas fjalës “psikotrope” shtohet togfjalëshi “dhe lëndëve të

kontrolluara”.

Neni 4

Në nenin 2 shtohet paragrafi i dytë me këtë përmbajtje:

“Në kuptim të këtij ligji, lëndë të kontrolluara janë lëndë të cilat nuk janë të klasifikuara si lëndë

narkotike dhe psikotrope në bazë të konventave ndërkombëtare, por kanë potencial për

keqpërdorim apo varësi.”.

Neni 5