Për një ndryshim në ligjin nr. 29/2023, “Për tatimin mbi të ardhurat”, i ndryshuar

Lloji: Ligj

Fletore Zyrtare: nr. 40, datë 2025-02-26

LIGJ

Nr. 9/2025

PËR NJË NDRYSHIM NË LIGJIN NR. 29/2023,

“PËR TATIMIN MBI TË ARDHURAT”, I NDRYSHUAR

Në mbështetje të neneve 78, 81, pika 1, 83, pika 1, dhe 155 të Kushtetutës, me propozimin e një

deputeti,

KUVENDI

I REPUBLIKËS SË SHQIPËRISË

VENDOSI:

Neni 1

Në ligjin nr. 29/2023, “Për tatimin mbi të ardhurat”, i ndryshuar, në nenin 69, pika 1, shkronja “b”,

ndryshohet si më poshtë:

“b) entitetet që operojnë në struktura akomoduese “Hotel/Resort me katër dhe pesë yje, status

special”, sipas përcaktimit në legjislacionin e fushës së turizmit dhe që janë mbajtës të një marke tregtare

të regjistruar dhe njohur ndërkombëtarisht “brand name” , përjashtohen nga tatimi mbi të ardhurat

korporative për një periudhe 10-vjeçare për ato struktura, të cilat përfitojnë statusin special deri në dhjetor

2026.

Efektet e përjashtimit fillojnë në momentin e fillimit të veprimtarisë ekonomike të strukturës

akomoduese, por jo më vonë se 5 vjet nga marrja e statusit special.”.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 30.1.2025.

Shpallur me dekretin nr. 76, datë 25.2.2025, të Presidentit të Republikës së Shqipërisë, Bajram

Begaj.