Për informacionin elektronik të transportit të mallrave

Lloji: Ligj

Fletore Zyrtare: nr. 137, datë 2026-06-30

LIGJ

Nr. 60/2026

PËR INFORMACIONIN ELEKTRONIK TË TRANSPORTIT TË MALLRAVE1

Në mbështetje të neneve 78, 81, pika 1, dhe 83, pika 1, të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

1. Ky ligj ka për qëllim promovimin e digjitalizimit në fushën e transportit të mallrave dhe

reduktimin e kostove administrative për transportin e mallrave nëpërmjet pranimit të informacionit

rregullator shoqërues gjatë transportit të mallrave në formë elektronike.

2. Ky ligj krijon kuadrin ligjor për komunikimin elektronik të informacionit rregullator ndërmjet

operatorëve ekonomikë përkatës dhe autoriteteve kompetente, lidhur me transportin e mallrave në

territorin e Republikës së Shqipërisë.

Neni 2

Objekti

1. Ky ligj vendos kushtet mbi bazën e të cilave autoritetet kompetente janë të detyruara të pranojnë

informacionin rregullator kur informacioni vihet në dispozicion në mënyrë elektronike nga operatorët

ekonomikë përkatës, si dhe rregullat për ofrimin e shërbimeve që lidhen me vënien në dispozicion

në mënyrë elektronike të informacionit rregullator nga operatorët ekonomikë përkatës për autoritetet

kompetente.

2. Ky ligj përcakton kërkesat që platformat dhe shërbimet eFTI duhet

të sigurojnë

ndërveprueshmërinë me infrastrukturën kombëtare të sistemeve të teknologjisë së informacionit e të