PËR MIRATIMIN E KONTRATËS SË LIDHUR NDËRMJET MINISTRISË SË MBROJTJES TË REPUBLIKËS SË SHQIPËRISË DHE “EUROCOPTER” PËR FURNIZIMIN ME 1 (NJË) HELIKOPTER EC 145 VIP
Ligji nr. 10446, datë 14 korrik 2011, nga Kuvendi i Shqipërisë.
- Numri
- 10446
- Data e miratimit
- 14 korrik 2011
- Botuar në Fletoren Zyrtare
- nr. 103, 3 gusht 2011
- Hyn në fuqi
- 18 gusht 2011
- Teksti zyrtar
- Qendra e Botimeve Zyrtare
Fillimi i tekstit
Lloji: Ligj
Fletore Zyrtare: nr. 103, datë 2011-08-03
LIGJ
Nr.10 446, datë 14.7.2011
PËR MIRATIMIN E KONTRATËS SË LIDHUR NDËRMJET MINISTRISË SË
MBROJTJES TË REPUBLIKËS SË SHQIPËRISË DHE “EUROCOPTER” PËR
FURNIZIMIN ME 1 (NJË) HELIKOPTER EC 145 VIP
Në mbështetje të neneve 78 dhe 83 pika 1 të Kushtetutës, me pro pozimin e Këshillit të
Ministrave,
KUVENDI
I REPUBLIKËS SË SHQIPËRISË
VENDOSI:
Neni 1
Miratohet kontrata e lidhur ndërmjet Ministrisë së Mbrojtjes së Republikës së Shqipërisë dhe
“Eurocopter” për furnizimin e Forcave të Armatosura të Republikës së Shqipërisë me 1 ( një )
helikopter EC 145 VIP, sipas tekstit që i bashkëlidhet këtij ligji.
Neni 2
Programi i zbatimit të kontratës shtrihet në 2 vite buxhetore dhe përfundon brenda vitit 2012.
Ministria e Mbrojtjes të marrë masat për planifikimin e fondeve përkatëse për ekzekutimin e kontratës.
Neni 3
Ministria e Mbrojtjes të përzgjedhë dhe të negociojë me bankën e pranuar edhe nga
“Eurocopter” për mënyrat e kryerjes së pagesave me anë të letërkreditit.
Neni 4
Ngarkohet Ministria e Mbrojtjes për zbatimin e detyrimeve që rrjedhin nga ky ligj dhe nga
kontrata.
Neni 5
Ky ligj hyn në fuqi 15 ditë pas botimit në Fletoren Zyrtare.
Shpallur me dekretin nr.7061, datë 27.7.2011 të Presidentit të Republikës së Shqipërisë,
Bamir Topi
Kopje jozyrtare. Fuqi ligjore ka vetëm teksti i botuar në Fletoren Zyrtare. Statusin e aktit kontrollojeni te burimi zyrtar. Kjo nuk është këshillë juridike.