PËR DISA NDRYSHIME DHE SHTESA NË LIGJIN NR.9902, DATË 17.4.2008 “PËR MBROJTJEN E KONSUMATORËVE”

Lloji: Ligj

Fletore Zyrtare: nr. 103, datë 2011-08-03

LIGJ

Nr.10 444, datë 14.7.2011

PËR DISA NDRYSHIME DHE SHTESA NË LIGJIN NR.9902, DATË 17.4.2008 “PËR MBROJTJEN E KONSUMATORËVE”1

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.9902, datë 17.4.2008 “Për mbrojtjen e konsumatorëve”, bëhen këto ndryshime dhe shtesa:

Neni 1

Neni 2 ndryshohet si më poshtë:

“Neni 2

Fusha e zbatimit

“Ky ligj përfshin të gjitha llojet e marrëdhënieve ndërmjet tregtarëve dhe konsumatorëve, që kanë të bëjnë me mallrat e konsumatoreve apo shërbime. Dispozitat e këtij ligji nuk do të zbatohen, kur në dispozitat e tjera ligjore për fushat përkatëse jepen trajtime më të favorshme për mbrojtjen e të drejtave të konsumatorëve.”.

Neni 2

Në nenin 3 bëhen ndryshimet dhe shtesat e mëposhtme:

1. Fjalia e fundit e pikës 6 shfuqizohet.

2. Në pikën 15, pas fjalës “malli” shtohen fjalët “apo shërbimi”.

3. Pas pikës 15 shtohet pika 15.1 me këtë përmbajtje:

“15.1. “Ftesë për blerje” është një komunikim tregtar, që tregon në një mënyrë të përshtatshme, nëpërmjet mjeteve të përdorura të komunikimit tregtar, karakteristikat e produktit apo të shërbimit dhe çmimin, duke i mundësuar në këtë mënyrë konsumatorit kryerjen e blerjes;”.

4. Pas pikës 18 shtohet pika 19 me këtë përmbajtje: