Për kontrollet zyrtare dhe aktivitete të tjera zyrtare të kryera për të garantuar zbatimin e legjislacionit për ushqimin dhe ushqimin për kafshë, të rregullimeve për shëndetin e mirëqenien e kafshëve, si dhe për shëndetin e bimëve e të produkteve për mbrojtjen e bimëve në Republikën e Shqipërisë

Lloji: Ligj

Fletore Zyrtare: nr. 144, datë 2026-07-03

LIGJ

Nr. 61/2026

PËR KONTROLLET ZYRTARE DHE AKTIVITETE TË TJERA ZYRTARE TË

KRYERA PËR TË GARANTUAR ZBATIMIN E LEGJISLACIONIT PËR USHQIMIN

DHE USHQIMIN PËR KAFSHË, TË RREGULLIMEVE PËR SHËNDETIN

E MIRËQENIEN E KAFSHËVE, SI DHE PËR SHËNDETIN E BIMËVE

E TË PRODUKTEVE PËR MBROJTJEN E BIMËVE NË REPUBLIKËN E

SHQIPËRISË1

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

TITULLI I

OBJEKTI, FUSHA E ZBATIMIT DHE PËRKUFIZIME

KREU I

DISPOZITA TË PËRGJITHSHME

Neni 1

Objekti

Ky ligj përcakton rregullat e përgjithshme dhe të veçanta, parimet e kërkesat që lidhen me

kontrollet zyrtare dhe aktivitetet e tjera zyrtare, si dhe përcakton përgjegjësitë, financimin e

kontrolleve zyrtare dhe procedurat për kryerjen e kontrolleve zyrtare për të garantuar një nivel të

lartë të mbrojtjes së shëndetit të njerëzve, kafshëve dhe bimëve, mirëqenien e kafshëve dhe sa u

përket OMGJ-ve dhe produkteve për mbrojtjen e bimëve, si dhe mjedisit në Republikën e Shqipërisë.

Neni 2

Fusha e zbatimit

1. Ky ligj përcakton rregullat për:

a) kryerjen e kontrolleve zyrtare dhe aktiviteteve të tjera zyrtare nga autoritetet kompetente të

Republikës së Shqipërisë;

b) financimin e kontrolleve zyrtare;

c) miratimin dhe zbatimin e kushteve që duhet të përmbushin kafshët dhe mallrat që hyjnë në

territorin e Republikës së Shqipërisë;