PËR DISA SHTESA DHE NDRYSHIME NË LIGJIN NR. 7850, DATË 29.7.1994 “KODI CIVIL I REPUBLIKËS SË SHQIPËRISË”, TË NDRYSHUAR

Lloji: Ligj

Fletore Zyrtare: nr. 18, datë 2012-03-14

LIGJ

Nr. 17/2012

PËR DISA SHTESA DHE NDRYSHIME NË LIGJIN NR. 7850, DATË 29.7.1994 “KODI CIVIL I

REPUBLIKËS SË SHQIPËRISË”, TË NDRYSHUAR

Në mbështetje të nenit 81 pika 2 shkronja “d” dhe të nenit 83 pika 1 të Kushtetutës, me

propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.7850, datë 29.7.1994 “Kodi Civil i Republikës së Shqipërisë”, të ndryshuar, bëhen

këto shtesa dhe ndryshime:

Neni 1

Në nenin 115, pas shkronjës “dh” shtohet shkronja “e” me këtë përmbajtje:

“e) një vit paditë për shpërblimin e dëmit jopasuror për cenimin e nderit, personalitetit ose

reputacionit.”.

Neni 2

Neni 625 ndryshohet si më poshtë vijon:

“Neni 625

Personi që pëson një dëm jopasuror ka të drejtë të shpërblehet kur:

a) ka pësuar një dëmtim të shëndetit, të integritetit fizik ose psikik të tij;

b) është cenuar nderi, personaliteti ose reputacioni i tij;

c) është cenuar e drejta e emrit;

ç) është cenuar respektimi i jetës private;

d) është cenuar kujtimi i një të vdekuri. Në këtë rast bashkëshorti i personit të vdekur ose të

afërmit e tij deri në shkallë të dytë mund të kërkojnë shpërblimin e dëmit jopasuror.”.

Neni 3

Pas nenit 647 shtohet neni 647/a me këtë përmbajtje:

“Neni 647/a

Mënyra dhe kriteret e caktimit të përgjegjësisë civile dhe të masës së dëmit jopasuror