PËR AFATET DHE PROCEDURAT E MBYLLJES SË PROCESIT TË KONTROLLIT FINANCIAR TË PERSONAVE JURIDIKË JOBANKARË QË KANË MARRË HUA NGA PUBLIKU I GJERË

Lloji: Ligj

Fletore Zyrtare: nr. 43, datë 2012-04-27

LIGJ

Nr. 41/2012

PËR AFATET DHE PROCEDURAT E MBYLLJES SË PROCESIT

TË KONTROLLIT FINANCIAR TË PERSONAVE JURIDIKË JOBANKARË QË KANË

MARRË HUA NGA PUBLIKU I GJERË

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Grupi mbikëqyrës, i emëruar dhe që ka funksionuar në përputhje me ligjin nr. 8215, datë 9.5.1997

“Për kontrollin financiar të personave juridikë jobankarë që kanë marrë hua nga publiku i gjerë”, të

ndryshuar, shpërndahet.

Neni 2

Grupi mbikëqyrës, brenda 15 ditëve nga hyrja në fuqi e këtij ligji, i dorëzon me procesverbal

personit të emëruar nga Ministri i Financave arkivin dokumentar, si dhe asetet financiare e jofinanciare,

të krijuara deri në çastin e hyrjes në fuqi të këtij ligji. Financimi i kësaj veprimtarie me fondet e Buxhetit

të Shtetit ndërpritet menjëherë me hyrjen në fuqi të këtij ligji. Administratori zhvillon veprimtarinë duke

përdorur asetet e shoqërive subjekt kontrolli.

Neni 3

Për administrimin e mëtejshëm të subjekteve të kontrollit, deri në likuidimin e plotë të tyre,

Ministri i Financave emëron një administrator me një staf ndihmës, si dhe përcakton një limit buxhetor

vjetor nga të ardhurat e subjekteve të kontrollit, për mbulimin e shpenzimeve të administrimit/likuidimit.

Neni 4