PËR RATIFIKIMIN E KONVENTËS SË HAGËS "PËR RIVENDOSJEN NDËRKOMBËTARE TË DETYRIMIT USHQIMOR NDAJ FËMIJËVE DHE FORMAVE TË TJERA TË MBËSHTETJES PËR ANËTARËT E TJERË TË FAMILJES"

Lloji: Ligj

Fletore Zyrtare: nr. 72, datë 2012-06-28

LIGJ

Nr. 63/2012

PËR RATIFIKIMIN E KONVENTËS SË HAGËS “PËR RIVENDOSJEN

NDËRKOMBËTARE TË DETYRIMIT USHQIMOR NDAJ FËMIJËVE DHE FORMAVE

TË TJERA TË MBËSHTETJES PËR ANËTARËT E TJERË TË FAMILJES”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet konventa e Hagës “Për rivendosjen ndërkombëtare të detyrimit ushqimor ndaj

fëmijëve dhe formave të tjera të mbështetjes për anëtarët e tjerë të familjes”, bërë në Hagë më 23

nëntor 2007.

Neni 2

Republika e Shqipërisë deklaron, në përputhje me nenin 2 (3), të drejtën për të

përcaktuar, njohur dhe zbatuar detyrimet për mbështetjen financiare, që lindin nga një

marrëdhënie martesore në të njëjtën masë me detyrimet që lidhen me mbështetjen e fëmijës, sipas

kapitullit II dhe III të konventës.

Neni 3

Republika e Shqipërisë deklaron, në përputhje me nenin 2 (3) të Konventës, të drejtën për

të zbatuar detyrimin ushqimor edhe për fëmijët madhorë deri në moshën njëzet e pesë vjeç, me

kusht që ata të ndjekin shkollën e mesme ose të lartë, sipas nenit 197 të Kodit të Familjes.

Neni 4

Republika e Shqipërisë deklaron, në përputhje me nenin 63 të Konventës, se kërkesat për

njohjen dhe zbatimin e një marrëveshjeje për mbështetje financi are bëhen nëpërmjet autoritetit

qendror.

Neni 5