PËR DISA SHTESA DHE NDRYSHIME NË LIGJIN NR. 8873, DATË 29.3.2002 “PËR SIGURIMIN E DEPOZITAVE”, TË NDRYSHUAR1

Lloji: Ligj

Fletore Zyrtare: nr. 106, datë 2012-08-22

LIGJ

Nr. 78/2012

PËR DISA SHTESA DHE NDRYSHIME NË LIGJIN NR. 8873, DATË 29.3.2002 “PËR SIGURIMIN E

DEPOZITAVE”, TË NDRYSHUAR1

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8873, datë 29.3.2002 “Për sigurimin e depozitave” , të ndryshuar, bëhen këto shtesa dhe

ndryshime:

Neni 1

Në nenin 2 bëhen këto shtesa dhe ndryshime:

1. Pas shkronjës “ç” shtohet shkronja “ç/1” me këtë përmbajtje:

“ç/1) “Shoqëria e kursim-kreditit (SHKK)” është personi juridik , i cili themelohet dhe vepron në

përputhje me dispozitat ligjore të parashikuara në ligjin nr. 8 782, datë 3.5.2001 “Për shoqëritë e kursim-

kreditit”, të ndryshuar;”.

2. Pas shkronjës “d” shtohet shkronja “d/1” me këtë përmbajtje:

“d/1) “Subjekt i siguruar” është banka dhe dega e bankës së huaj në Shqipëri, shoqëria e kursim-

kreditit që pranon depozita të siguruara nga Agjencia;”.

3. Në shkronjën “f”, pas nënndarjes “ii” shtohet nënndarja “iii” me këtë përmbajtje:

“iii) çdo shumë parash, që anëtari, individ i shoqërisë së kurs im-kreditit depoziton pranë saj, në

përputhje me ligjin nr. 8782, datë 3.5.2001 “Për shoqëritë e kursim-kreditit”, të ndryshuar;”

4. Shkronja “ll” ndryshohet si më poshtë:

“ll) “Ndërhyrje” është vënia në likuidim të detyruar e subjektit të siguruar me vendim të Autoritetit

Mbikëqyrës;”.

Neni 2