PËR AGJENCINË E INTELIGJENCËS SË MBROJTJES

Lloji: Ligj

Fletore Zyrtare: nr. 172, datë 2012-12-31

LIGJ

Nr. 117/2012

PËR AGJENCINË E INTELIGJENCËS SË MBROJTJES

Në mbështetje të neneve 78 e 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj përcakton misionin, organizimin, funksionimin dhe veprimtarinë e Agjencisë së Inteligjencës së Mbrojtjes, rregullon pozitën juridike, administrative, karrierën, si dhe përcakton të drejtat, detyrat dhe përgjegjësitë e punonjësit të kësaj agjencie.

Neni 2

Fusha e zbatimit të ligjit

1. Ky ligj zbatohet në të gjithë territorin e Republikës së Shqipërisë dhe jashtë tij, sipas zonave të përgjegjësisë dhe zonave të interesit nga Agjencia e Inteligjencës së Mbrojtjes.

2. Veprimtaria e Agjencisë së Inteligjencës së Mbrojtjes përfshin çështje që lidhen me kërcënimet ndaj misionit kushtetues të Forcave të Armatosura dhe veprimtarisë së Ministrisë së Mbrojtjes.

3. Veprimtaria e Agjencisë së Inteligjencës së Mbrojtjes ushtrohet mbi subjekte ushtarake, civile, vendase, të huaja, me ose pa shtetësi, rezidente ose jo në Republikën e Shqipërisë, të cilat synojnë të cenojnë apo cenojnë misionin kushtetues të Forcave të Armatosura dhe veprimtarinë e Ministrisë së Mbrojtjes

Neni 3

Përkufizime

Në këtë ligj termat e mëposhtëm kanë këto kuptime: