Për disa ndryshime dhe shtesa në ligjin nr. 9180, datë 5.2.2004 “Për statistikat zyrtare”, të ndryshuar

Lloji: Ligj

Fletore Zyrtare: nr. 20, datë 2013-02-28

LIGJ

Nr. 7/2013

PËR DISA NDRYSHIME DHE SHTESA NË LIGJIN NR. 9180, DATË 5.2.2004 “PËR

STATISTIKAT ZYRTARE”, TË NDRYSHUAR1

Në mbështetje të neneve 78 e 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9180, datë 5.2.2004 “Për statistikat zyrtare”, të ndryshuar, bëhen këto ndryshime dhe

shtesa:

Neni 1

Në nenin 2, shkronja “c” ndryshohet si më poshtë:

“c) “Sistemi Kombëtar Statistikor” është tërësia e institucione ve dhe organizatave që ushtrojnë

aktivitet brenda Republikës së Shqipërisë, të cilat mbledhin, përpunojnë dhe publikojnë statistika zyrtare

sipas programit.”.

Neni 2

Në nenin 4, fjalia hyrëse ndryshohet si më poshtë:

“Për të siguruar besueshmërinë e publikut në statistikat zyrtar e, INSTAT-i dhe agjencitë

statistikore duhet të udhëhiqen nga parimet e Kodit të Praktikës së Statistikave Europiane. Organizimi dhe

zbatimi i programit udhëhiqen nga parimet e mëposhtme:”.

Neni 3

Pas nenit 4 shtohet neni 4/1 me këtë përmbajtje:

“Neni 4/1

Parimet e cilësisë statistikore

Për të siguruar cilësinë e statistikave zyrtare dhe për të ruaj tur besimin e publikut në to, INSTAT-

i dhe agjencitë statistikore duhet të udhëhiqen nga parimet e mëposhtme:

a) “rëndësia”, e cila ka të bëjë me shkallën në të cilën statistikat plotësojnë nevojat aktuale dhe të

mundshme të përdoruesve;