Për disa shtesa dhe ndryshime në ligjin nr. 8734, datë 1.2.2001 “Për garantimin e sigurisë së punës të pajisjeve dhe të instalimeve elektrike”, të ndryshuar

Lloji: Ligj

Fletore Zyrtare: nr. 29, datë 2013-03-11

LIGJ

Nr. 13/2013

PËR DISA SHTESA DHE NDRYSHIME NË LIGJIN NR. 8734, DATË 1.2.2001 “PËR GARANTIMIN

E SIGURISË SË PUNËS TË PAJISJEVE DHE TË INSTALIMEVE ELEKTRIKE”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8734, datë 1.2.2001 “Për garantimin e sigurisë së punës të pajisjeve dhe të instalimeve

elektrike”, të ndryshuar, bëhen këto shtesa dhe ndryshime:

Neni 1

Në nenin 2 pika 2 dhe kudo në ligj emërtimi “Inspektorati Qendror Teknik” zëvendësohet me

emërtimin “Inspektorati Shtetëror Përgjegjës për Sigurinë e Pajisjeve dhe Instalimeve Elektrike (në vijim në

tekstin e ligjit Inspektorati)” dhe shkurtimet “IQT” e “IPIE” zëvendësohen me fjalën “Inspektorati”.

Neni 2

Në nenin 2 bëhen këto ndryshime dhe shtesa:

1. Pika 1 ndryshohet si më poshtë:

“1. “Vendosje në treg” ka të njëjtin kuptim si edhe në ligjin nr. 10 489, datë 15.12.2011 “Për tregtimin

dhe mbikëqyrjen e tregut të produkteve joushqimore”.”.

2. Në pikën 3 fjala “thelbësore” hiqet.

3. Në pikën 4, pas shkronjës “b” shtohet shkronja “c” me këtë përmbajtje:

“c) Instalime të tensionit të ulët, të projektuara për tension alternativ 50 – 1 000 volt dhe për tension të

vazhduar 75 – 1 500 volt.”.

4. Kudo në këtë nen emërtimi “Inspektorati Shtetëror i Punës” zëvendësohet me emërtimin