Për disa shtesa dhe ndryshime në ligjin nr. 9902, datë 17.4.2008 “Për mbrojtjen e konsumatorëve”, të ndryshuar

Lloji: Ligj

Fletore Zyrtare: nr. 29, datë 2013-03-11

LIGJ

Nr. 15/2013

PËR DISA SHTESA DHE NDRYSHIME NË LIGJIN NR. 9902, DATË 17.4.2008 “PËR MBROJTJEN

E KONSUMATORËVE”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9902, datë 17.4.2008 “Për mbrojtjen e konsumatorë ve”, të ndryshuar, bëhen këto shtesa

dhe ndryshime:

Neni 1

Kudo në ligj fjalët “Struktura përgjegjëse për mbikëqyrjen e tregut” zëvendësohen me fjalët

“Inspektorati përgjegjës për mbikëqyrjen e tregut”, ndërsa në nenin 57 zëvendësohen me fjalët “Inspektori i

inspektoratit përgjegjës për mbikëqyrjen e tregut” dhe emërtimi “Drejtoria e Përgjithshme e Metrologjisë”

zëvendësohet me emërtimin “Inspektorati që mbulon fushën e metrologjisë”.

Neni 2

Në nenin 51, pas pikës 2 shtohet pika 3 me këtë përmbajtje:

“3. Kontrolli i respektimit të kërkesave ligjore, sipas këtij ligji, bëhet në përputhje me këtë ligj dhe

ligjin nr. 10 433, datë 16.6.2011 “Për inspektimin në Republikën e Shqipërisë”.”.

Neni 3

Në nenin 57, pas pikës 5 shtohet pika 6 me këtë përmbajtje:

“6. Gjobat e vendosura sipas këtij neni janë dënime kryesore.”.

Neni 4

Nenit 58 i shtohet titulli “Gjobat e komisionit”.

Neni 5

Pas nenit 58 shtohet neni 58/1 me këtë përmbajtje:

“Neni 58/1

Shqyrtimi dhe ankimi i gjobave