Për disa ndryshime dhe shtesa në ligjin nr. 8876, datë 4.4.2002 “Për shëndetin riprodhues”, të ndryshuar

Lloji: Ligj

Fletore Zyrtare: nr. 31, datë 2013-03-12

LIGJ

Nr. 56/2013

PËR DISA NDRYSHIME DHE SHTESA NË LIGJIN NR. 8876, DATË 4.4.2002 “PËR SHËNDETIN

RIPRODHUES”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8876, datë 4.4.2002 “Për shëndetin riprodhues”, të ndryshuar, bëhen këto ndryshime dhe

shtesa:

Neni 1

Në nenin 42, pika 1 ndryshohet si më poshtë:

“1. Shkeljet e rregullave të parashikuara në këtë ligj, kur nuk përbëjnë vepër penale, përbëjnë

kundërvajtje administrative dhe dënohen si më poshtë:

a) për ushtrim profesioni në fushën e shëndetit riprodhues nga mjekët e këtij specialiteti pa licencë,

me gjobë nga 25 000 deri në 100 000 lekë;

b) për funksionimin e institucioneve shëndetësore private pa licencë në fushën e shëndetit

riprodhues, me gjobë nga 50 000 deri në 1 000 000 lekë.”.

Neni 2

Në nenin 42, pas pikës 2 shtohen pikat 3, 4, 5 dhe 6 me këtë përmbajtje:

“3. Masa e gjobës është dënim kryesor kur parashikohet si dënim më vete dhe dënim plotësues kur

jepet njëkohësisht me masat e parashikuara në pikën 2.

4. Inspektimi për verifikimin e respektimit të kërkesave ligjor e që burojnë nga ky ligj kryhet nga

inspektorati që mbulon fushën e shëndetit, në përputhje me këtë ligj dhe ligjin nr. 10 433, datë 16.6.2011 “Për

inspektimin në Republikën e Shqipërisë”.