Për disa ndryshime në ligjin nr. 10 489, datë 15.12.2011 “Për tregtimin dhe mbikëqyrjen e tregut të produkteve joushqimore”

Lloji: Ligj

Fletore Zyrtare: nr. 29, datë 2013-03-11

LIGJ

Nr. 17/2013

PËR DISA NDRYSHIME NË LIGJIN NR. 10 489, DATË 15.12.2011 “PËR TREGTIMIN DHE

MBIKËQYRJEN E TREGUT TË PRODUKTEVE JOUSHQIMORE”

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 10 489, datë 15.12.2011 “Për tregtimin dhe mbikëq yrjen e tregut të produkteve

joushqimore”, bëhen këto ndryshime:

Neni 1

Në nenin 18 bëhen këto ndryshime:

1. Në pikën 1, shkronja “ç” ndryshohet si më poshtë:

“ç) informon menjëherë ministrin përgjegjës për çdo veprimtari të vlerësimit të konformitetit, duke

siguruar kopje të certifikatave, raporteve të testimit dhe të vlerësimit të konformitetit, përfshirë dokumentet për

to dhe informacion për lëshimin, refuzimin ose tërheqjen e certifikatave, si dhe strukturës përgjegjëse dhe

autoriteteve të tjera me kërkesë të këtyre të fundit.”.

2. Pas pikës 8 shtohet pika 9 me këtë përmbajtje:

“9. Organi i miratuar për qëllime të inspektimit periodik të pr odukteve/instalimeve të vëna në shërbim

informon menjëherë ministrin përgjegjës për listën e planifikimit të inspektimeve periodike dhe çdo ndryshim

të saj.”.

Neni 2

Në nenin 19, në fund të pikës 2 shtohet fjalia me këtë përmbajtje:

“Organizmi Kombëtar i Akreditimit njofton paraprakisht ministrin përgjegjës për çdo vizitë vlerësuese