Për miratimin e marrëveshjes së licencës për lotarinë kombëtare ndërmjet Ministrisë së Financave, si autoritet i autorizuar, dhe shoqërisë “Oesterreichische Lotterien”, Gmbh, nëpërmjet shoqërisë “Olg Project”, sh.p.k

Lloji: Ligj

Fletore Zyrtare: nr. 36, datë 2013-03-19

LIGJ

Nr. 95/2013

PËR MIRATIMIN E MARRËVESHJES SË LICENCËS PËR LOTARINË KOMBËTARE NDËRMJET MINISTRISË SË FINANCAVE, SI AUTORITET I AUTORIZUAR, DHE SHOQËRISË “OESTERREICHISCHE LOTTERIEN”, GMBH, NËPËRMJET SHOQËRISË “OLG PROJECT” SHPK

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Miratohet marrëveshja e licencës për lotarinë kombëtare ndërmjet Ministrisë së Financave, si autoritet i autorizuar, dhe shoqërisë “Oesterreichische Lotterien”, GmbH, nëpërmjet shoqërisë “OLG Project”, sh.p.k.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 4.3.2013

Shpallur me dekretin nr. 8059, datë 15.3.2013 të Presidentit të Republikës së Shqipërisë, Bujar Nishani

REPUBLIKA E SHQIPËRISË NËPËRMJET MINISTRISË SË FINANCAVE DHE OESTERREICHISCHE LOTTERIEN GMBH NËPËRMJET OLG PROJECT SHPK

MARRËVESHJE LICENCE

PËR “LOTARIA KOMBËTARE”

1. Palët

Kjo marrëveshje licence për “Lotarinë kombëtare” nënshkruhet sot, më ë17.12.2012], në Tiranë, Shqipëri,

ndërmjet palëve:

a) Republika e Shqipërisë, e përfaqësuar nga Ministria e Financave dhe institucionet në varësi të saj, emëruar në përputhje me vendimin, sikurse përshkruhet më poshtë, me adresë: bulevardi “Dëshmorët e Kombit”, Tiranë, Shqipëri, referuar së bashku si “Ministria”; dhe