Për disa ndryshime në ligjin nr. 8550, datë 18.11.1999 “Statusi i deputetit”, të ndryshuar

Lloji: Ligj

Fletore Zyrtare: nr. 95, datë 2013-06-07

LIGJ

Nr. 153/2013

PËR DISA NDRYSHIME NË LIGJIN NR. 8550, DATË 18.11.1999

“STATUSI I DEPUTETIT”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e një grupi deputetësh,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8550, datë 18.11.1999 “Statusi i deputetit”, të ndryshuar, bëhen këto shtesa dhe

ndryshime:

Neni 1

Neni 5 ndryshohet si më poshtë:

“Neni 5

Deputeti takohet periodikisht me zgjedhësit ose kur e kërkojnë ata. Deputeti i përfaqëson ata duke iu

marrë mendime apo duke iu dhënë shpjegime për projektligje, amendamente, vendime, rezoluta apo deklarata

që shqyrtohen dhe miratohen në Kuvend.”.

Neni 2

Në nenin 6, pika 2 ndryshohet si më poshtë:

“2. Organet e qeverisjes vendore dhe prefekturat, në fillim të çdo muaji, njoftojnë deputetët e qarkut

ku ata janë zgjedhur për kalendarin e mbledhjeve, duke përfshirë ndryshimet e mundshme që mund t'i bëhen

atij.”.

Neni 3

Neni 8 ndryshohet si më poshtë:

“Neni 8

1. Deputeti ka të drejtë të kërkojë shpjegime për çdo çështje që ka të bëjë me përmbushjen e detyrës së

tij, nga ministrat ose nga drejtuesit e institucioneve të tjera qendrore, si dhe nga drejtuesit e çdo institucioni

tjetër në administratën publike ose të qeverisjes vendore.

2. Drejtuesit e institucioneve të përmendura në pikën 1 të këtij neni janë të detyruar t’i përgjigjen