Për miratimin e marrëveshjes së asistencës së shërbimit doganor

Lloji: Ligj

Fletore Zyrtare: nr. 194, datë 2013-12-12

LIGJ

Nr. 170/2013

PËR MIRATIMIN E MARRËVESHJES SË ASISTENCËS SË SHËRBIMIT DOGANOR

Në mbështetje të neneve 78 dhe 83, pikat 1 e 2, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Objekti i ligjit

Objekti i këtij ligji është miratimi i marrëveshjes ndërmjet Këshillit të Ministrave të Republikës së Shqipërisë dhe shoqërisë “Crown Agents Limited”.

Neni 2

Qëllimi

Qëllimi i këtij ligji është ofrimi i shërbimit të asistencës ndaj administratës doganore, sipas standardeve të Bashkimit Europian dhe sipas praktikave më të mira të rajonit, për përmirësimin e performancës, rritjen e të ardhurave dhe luftën ndaj korrupsionit në administratën doganore të Republikës së Shqipërisë.

Neni 3

Subjektet

Subjekte të këtij ligji janë:

a) Këshilli i Ministrave i Republikës së Shqipërisë, i cili vepron në cilësinë e autoritetit kontraktues;

b) shoqëria “Crown Agents Limited”, shoqëri tregtare e organizuar dhe që funksionon në përputhje me ligjet e Mbretërisë së Bashkuar, regjistruar në Regjistrin e Shoqërive Tregtare të Mbretërisë së Bashkuar, me nr. 3259922, që do të ofrojë shërbimin e asistencës së përshkruar në nenin 2 të këtij ligji.

Neni 4

Përkufizime

1. Në këtë ligj dhe në marrëveshjen bashkëlidhur, termat e mëposhtëm kanë këto kuptime:

a) “Autoritet kontraktues” është Këshilli i Ministrave i Republikës së Shqipërisë;