Për disa ndryshime dhe shtesa në ligjin nr. 61/2012, “Për akcizat në Republikën e Shqipërisë”, të ndryshuar

Lloji: Ligj

Fletore Zyrtare: nr. 203, datë 2013-12-30

LIGJ

Nr. 180/2013

PËR DISA NDRYSHIME DHE SHTESA NË LIGJIN NR. 61/2012,

“PËR AKCIZAT NË REPUBLIKËN E SHQIPËRISË”, TË NDRYSHUAR

Në mbështetje të neneve 78, 83, pika 1, 84, pika 4, dhe 155 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 61/2012, “Për akcizat në Republikën e Shqipërisë”, të ndryshuar, bëhen ndryshimet dhe shtesat si më poshtë:

Neni 1

Në nenin 10, pika 3, shkronja “dh” shfuqizohet.

Neni 2

Në nenin 67, pikat 1 dhe 2, fjalët “forcë alkoolike” zëvendësohen me fjalët “shkallë alkoolometrike”.

Neni 3

Neni 68 ndryshohet si më poshtë:

“Neni 68

Përcaktime të tjera

Akciza e birrës përcaktohet në bazë të hektolitrave për shkallë alkoolometrike të produktit përfundimtar.”.

Neni 4

Titulli i kreut IX ndryshohet si më poshtë:

“KREU IX KAFEJA DHE PIJET ENERGJIKE”.

Neni 5

Në nenin 76, “Përkufizime”, pas shkronjës “b” shtohet shkronja “c” me këtë përmbajtje:

“c) Pijet energjike janë pije që klasifikohen në Kodin e Nomenklaturës së Kombinuar të Mallrave 2202 10 00 dhe që kanë në përmbajtje të tyre sasi kafeine të barabartë ose më shumë se 0,03% të volumit ose përbërësit taurinë, guaranë ose ginsenk.”.

Neni 6

Në nenin 77, Detyrimet”, bëhen këto ndryshime:

1. Në pikën 1 shtohet fjalia me këtë përmbajtje:

“Akciza për pijet energjike paguhet duke pasur si njësi matëse 1 litër”.

2. Në pikën 3, pas fjalës “kafesë” shtohen fjalët “pijeve energjike”.