PËR ADERIMIN E REPUBLIKËS SË SHQIPËRISË NË KONVENTËN E TAMPERES “PËR SIGURIMIN E BURIMEVE TË TELEKOMUNIKACIONIT PËR ZVOGËLIMIN E FATKEQËSIVE DHE OPERACIONET E NDIHMËS”

Lloji: Ligj

Fletore Zyrtare: nr. 16, datë 2014-02-20

LIGJI

Nr. 3/2014

PËR ADERIMIN E REPUBLIKËS SË SHQIPËRISË NË KONVENTËN E TAMPERES “PËR SIGURIMIN E BURIMEVE TË TELEKOMUNIKACIONIT PËR ZVOGËLIMIN E FATKEQËSIVE DHE OPERACIONET E NDIHMËS”

Në mbështetje të neneve 78, 83, pika 1, dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në Konventën e Tamperes “Për sigurimin e burimeve të telekomunikacionit për zvogëlimin e fatkeqësive dhe operacionet e ndihmës”.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 23.1.2014

Shpallur me dekretin nr. 8494, datë 13.2.2014 të Presidentit të Republikës së Shqipërisë, Bujar Nishani

KONVENTA E TAMPERE-s

MBI SIGURIMIN E BURIMEVE TË TELEKOMUNIKACIONIT PËR ZVOGËLIMIN E FATKEQËSIVE DHE OPERACIONET E NDIHMËS

Shtetet palë në këtë Konventë,

duke pranuar se shkalla, kompleksiteti, shpeshtësia dhe ndikimi i fatkeqësive janë duke u rritur ndjeshëm, me pasoja të rënda, veçanërisht në vendet në zhvillim;

duke kujtuar se ndihmat humanitare dhe agjencitë e ndihmës kërkojnë burime telekomunikacioni të besueshme dhe fleksibël për të kryer detyrat e tyre thelbësore;

duke kujtuar më tej rolin kryesor të burimeve të telekomunikacionit në lehtësimin e sigurisë së ndihmave humanitare dhe personelit të ndihmës;