PËR RATIFIKIMIN E MARRËVESHJES NDËRMJET REPUBLIKËS SË SHQIPËRISË DHE MBRETËRISË SË BELGJIKËS PËR MBROJTJEN SHOQËRORE

Lloji: Ligj

Fletore Zyrtare: nr. 57, datë 2014-04-24

LIGJ

Nr. 35/2014

PËR RATIFIKIMIN E MARRËVESHJES NDËRMJET REPUBLIKËS SË SHQIPËRISË DHE MBRETËRISË SË BELGJIKËS

PËR MBROJTJEN SHOQËRORE

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Republikës së Shqipërisë dhe Mbretërisë së Belgjikës për mbrojtjen shoqërore.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 3.4.2014

Shpallur me dekretin nr. 8545, datë 21.4.2014 të Presidentit të Republikës së Shqipërisë, Bujar Nishani

SHTOJCA 2

MARRËVESHJE

PËR MBROJTJEN SHOQËRORE

NDËRMJET MBRETËRISË SË BELGJIKËS DHE REPUBLIKËS SË SHQIPËRISË

Mbretëria e Belgjikës dhe Republika e Shqipërisë, me dëshirën për të ndërtuar marrëdhënie të ndërsjella ndërmjet dy vendeve në fushën e sigurimeve shoqërore, vendosën të lidhin një Marrëveshje për këtë qëllim dhe ranë dakord për sa më poshtë:

PJESA I

DISPOZITA TË PËRGJITHSHME

Neni 1

Përkufizime

1. Për zbatimin e kësaj Marrëveshjeje:

a) Termi “Belgjikë” nënkupton Mbretërinë e Belgjikës;

Termi “Shqipëri” nënkupton Republikën e Shqipërisë.

b) Termi “territor” nënkupton:

Në lidhje me Belgjikën, territorin e Mbretërisë së Belgjikës;

Në lidhje me Shqipërinë, territorin e Republikës së Shqipërisë.

c) Termi “legjislacion” nënkupton ligjet dhe rregulloret për sigurimet shoqërore, të specifikuara në nenin 2.