PËR MIRATIMIN E HUAMARRJES PREJ 295 420 000 SDR-SH, QË FONDI MONETAR NDËRKOMBËTAR I AKORDON SHQIPËRISË PËR PROGRAMIN 36-MUJOR TË NDIHMËS (EFF)

Lloji: Ligj

Fletore Zyrtare: nr. 49, datë 2014-04-10

LIGJ

Nr. 33/2014

PËR MIRATIMIN E HUAMARRJES PREJ

295 420 000 SDR-SH, QË FONDI MONETAR NDËRKOMBËTAR I AKORDON SHQIPËRISË PËR

PROGRAMIN 36-MUJOR TË NDIHMËS (EFF)

Në mbështetje të neneve 78, 83, pika 2, 84, pika 4, dhe 156 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Miratohet huamarrja prej 295 420 000 (dyqind e nëntëdhjetë e pesë milionë e katërqind e njëzet mijë) SDR-sh,

që Fondi Monetar Ndërkombëtar (FMN) i akordon Shqipërisë për programin 36-mujor të ndihmës (EFF) me termat,

sipas aneksit që i bashkëlidhet këtij ligji.

Neni 2

Ky ligj hyn në fuqi menjëherë.

Miratuar në datën 3.4.2014

ANEKSI 1

Termat e huas paraqiten si më poshtë:

Shuma e huas 295 420 000 (dyqind e nëntëdhjetë e pesë milionë e katërqind e njëzet mijë) SDR.

Norma e interesit është e lidhur me normën e interesit për SDR, që aktualisht është 1,13 %. Ky interes do të

paguhet për shumën e kredisë së tërhequr dhe të pashlyer deri në masën 180 000 000 SDR (që përbën 300 % të

kuotës së anëtarësisë).

Për pjesën e huas të tërhequr dhe të pashlyer mbi shumën e mësipërme, aplikohet një interes i barabartë me

normën bazë + 200 bp. Në rastet kur shuma e kredisë së tërhequr dhe të pashlyer kalon vlerën 180 000 000 SDR për

një periudhë mbi tre vjet, norma shtesë që aplikohet mbi normën bazë të referencës rritet në 300 bp.