Për ratifikimin e marrëveshjes ndërmjet Bashkimit Evropian dhe Republikës së Shqipërisë për pjesëmarrjen e Republikës së Shqipërisë në programin e Bashkimit "Doganat" për bashkëpunim në fushën e doganave

Lloji: Ligj

Fletore Zyrtare: nr. 109, datë 2025-06-24

LIGJ

Nr. 32/2025

PËR RATIFIKIMIN E MARRËVESHJES NDËRMJET BASHKIMIT EVROPIAN

DHE REPUBLIKËS SË SHQIPËRISË PËR PJESËMARRJEN E REPUBLIKËS

SË SHQIPËRISË NË PROGRAMIN E BASHKIMIT “DOGANAT”

PËR BASHKËPUNIM NË FUSHËN E DOGANAVE

Në mbështetje të neneve 78, 83, pika 1, dhe 121 të Kushtetutës, me propozimin e Këshillit të

ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Bashkimit Evropian dhe Republikës së Shqipërisë për pjesëmarrjen

e Republikës së Shqipërisë në programin e Bashkimit “Doganat” për bashkëpunim në fushën e doganave,

sipas tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 5.6.2025.

Shpallur me dekretin nr. 181, datë 18.6.2025, të Presidentit të Republikës së Shqipërisë.

Bajram Begaj.

MARRËVESHJE

NDËRMJET BASHKIMIT EVROPIAN DHE REPUBLIKËS SË SHQIPËRISË PËR

PJESËMARRJEN E REPUBLIKËS SË SHQIPËRISË NË PROGRAMIN E BASHKIMIT

‘DOGANAT’ PËR BASHKËPUNIM NË FUSHËN E DOGANAVE

Komisioni Evropian, (në vijim i referuar si “Komisioni”) në emër të Bashkimit Evropian,

nga njëra anë,

dhe

Këshilli i Ministrave i Republikës së Shqipërisë (në vijim e referuar si “Shqipëria”),

nga ana tjetër,

në vijim e referuar si “Palët”,

Duke pasur parasysh se Marrëveshja Kuadër ndërmjet Bashkimit Evropian dhe Shqipërisë “Mbi parimet