PËR DISA NDRYSHIME DHE SHTESA NË LIGJIN NR. 49/2012, “PËR ORGANIZIMIN DHE FUNKSIONIMIN E GJYKATAVE ADMINISTRATIVE DHE GJYKIMIN E MOSMARRËVESHJEVE ADMINISTRATIVE”

Lloji: Ligj

Fletore Zyrtare: nr. 137, datë 2014-09-01

LIGJ

Nr. 100/2014

PËR DISA NDRYSHIME DHE SHTESA NË LIGJIN NR. 49/2012, “PËR

ORGANIZIMIN DHE FUNKSIONIMIN E GJYKATAVE ADMINISTRATIVE DHE

GJYKIMIN E MOSMARRËVESHJEVE ADMINISTRATIVE”

Në mbështetje të neneve 81, pika 2, shkronj a “a”, 83, pika 1, dhe 135, pika 2, të Kushtetutës,

me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 49/2012, “Për organizimin dhe funksionimin e gjykatave administrative dhe

gjykimin e mosmarrëveshjeve administrative”, bëhen këto ndryshime dhe shtesa:

Neni 1

Në nenin 6 bëhen ndryshimi dhe shtesa e mëposhtme:

1. Pika 3 riformulohet si më poshtë:

“3. Numri i ndihmësve ligjorë për çdo gjykatë administrative caktohet nga Ministri i Drejtësisë,

në varësi të ngarkesës së punës për çdo gjykatë. Në çdo rast, numri i tyre nuk mund të jetë më i vogël se

50 për qind e numrit të gjyqtarëve të kësaj gjykate. Gjyqtari i gjykatës administrative ka d e r i në dy

ndihmës ligjorë.”.

2. Pas pikës 3 shtohet pika 4 me këtë përmbajtje:

“4. Procesi i përzgjedhjes së ndihmësit ligjor i nënshtrohet një procedure konkurruese rekrutimi,

transparente dhe merite, sipas parashikimeve të këtij ligji.”.

Neni 2

Pas nenit 6 shtohen nenet 6/1, 6/2, 6/3, 6/4 dhe 6/5 me këtë përmbajtje:

“Neni 6/1

Emërimi, lirimi dhe shkarkimi nga detyra