PËR RATIFIKIMIN E MARRËVESHJES PËR THEMELIMIN DHE STATUTIN E ORGANIZATËS EUROPIANE TË SË DREJTËS PUBLIKE

Lloji: Ligj

Fletore Zyrtare: nr. 153, datë 2014-10-07

LIGJ

Nr. 118/2014

PËR RATIFIKIMIN E MARRËVESHJES PËR THEMELIMIN DHE STATUTIN E ORGANIZATËS EUROPIANE TË SË DREJTËS PUBLIKE

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVEND I

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja për themelimin dhe statutin e Organizatës Europiane të së Drejtës Publike.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 11.9.2014

Shpallur me dekretin nr. 8729, datë 3.10.2014 të Presidentit të Republikës së Shqipërisë, Bujar Nishani

MARRËVESHJE

PËR THEMELIMIN DHE STATUTIN E ORGANIZATËS EUROPIANE TË SË DREJTËS PUBLIKE

Palët e kësaj Marrëveshjeje,

Duke njohur rëndësinë e së drejtës publike lato sensu, si dhe nevojën për të nxitur më tej karakterin shkencor, kërkimor, arsimor, trajnues, ndërtimit institucional dhe dimensionet e tjera për një brez më të mirë avokatësh dhe institucionesh demokratike në të gjithë botën, dhe promovimin e vlerave europiane nëpërmjet së drejtës publike në të gjithë botën;

Duke besuar se tashmë ekziston dëshira që të themelohet një Organizatë Europiane e së Drejtës Publike (OEDP), si një organizatë ndërkombëtare me udhëheqjen e duhur, personalitet dhe status të plotë juridik ndërkombëtar;