Për një ndryshim në aktin normativ nr. 8, datë 7.12.2019, të Këshillit të Ministrave, “Për përdorimin e procedurës së përshpejtuar për subvencionimin e pagesës së qirasë së banesës për familjet e mbetura të pastreha, si pasojë e fatkeqësisë natyrore, tërmetit të datës 26.11.2019”
Akti normativ nr. 37/2020, datë 24 dhjetor 2020, nga Ministria e Financave dhe Ekonomisë.
- Numri
- 37/2020
- Data e miratimit
- 24 dhjetor 2020
- Botuar në Fletoren Zyrtare
- nr. 234, 30 dhjetor 2020
- Hyn në fuqi
- 30 dhjetor 2020
- Teksti zyrtar
- Qendra e Botimeve Zyrtare
Fillimi i tekstit
Lloji: Akt normativ
Fletore Zyrtare: nr. 234, datë 2020-12-30
AKT NORMATIV
Nr. 37, datë 24.12.2020
PËR NJË NDRYSHIM NË AKTIN NORMATIV NR. 8, DATË 7.12.2019, TË
KËSHILLIT TË MINISTRAVE, “PËR PËRDORIMIN E PROCEDURËS SË
PËRSHPEJTUAR PËR SUBVENCIONIMIN E PAGESËS SË QIRASË SË BANESËS
PËR FAMILJET E MBETURA TË PASTREHA, SI PASOJË E FATKEQËSISË
NATYRORE, TËRMETIT TË DATËS 26.11.2019”
Në mbështetje të nenit 101 të Kushtetutës, me propozimin e ministrit të Financave dhe
Ekonomisë, Këshilli i Ministrave
VENDOSI:
Neni 1
Neni 7, i aktit normativ nr. 8, datë 7.12.2019, të Këshillit të Ministrave, ndryshohet, si më
poshtë vijon:
“Neni 7
Subvencionimi i pagesës së qirasë, sipas këtij akti normativ, do të zgjasë deri në momentin që
familjeve u rindërtohen apo rikonstruktohen banesat, të cilat, si rezultat i tërmetit të datës
26.11.2019, janë shembur ose janë deklaruar si të pabanueshme me akt konstatimi nga Instituti i
Ndërtimit.”.
Neni 2
Ky akt normativ hyn në fuqi menjëherë dhe botohet në Fletoren Zyrtare.
ZËVENDËSKRYEMINISTËR
Erion Braçe
1
Kopje jozyrtare. Fuqi ligjore ka vetëm teksti i botuar në Fletoren Zyrtare. Statusin e aktit kontrollojeni te burimi zyrtar. Kjo nuk është këshillë juridike.