Për dhënien e autorizimit ministrit të Shëndetësisë dhe Mbrojtjes Sociale dhe ministrit të Shtetit për Rindërtimin për Zhvillimin e negociatave me prodhuesit e vaksinës Anticovid-19, të cilët janë të certifikuar nga Departamenti Amerikan i Ushqimit dhe Barnave (FDA) dhe/ose Agjencia Evropiane e Barnave (EMA), për furnizimin e Republikës së Shqipërisë me këtë vaksinë

Lloji: Akt normativ

Fletore Zyrtare: nr. 9, datë 2021-01-19

AKT NORMATIV

Nr. 38, datë 31.12.2020

PËR DHËNIEN E AUTORIZIMIT MINISTRIT TË SHËNDETËSISË DHE

MBROJTJES SOCIALE DHE MINISTRIT TË SHTETIT PËR RINDËRTIMIN PËR

ZHVILLIMIN E NEGOCIATAVE ME PRODHUESIT E VAKSINËS ANTICOVID-

19, TË CILËT JANË TË CERTIFIKUAR NGA DEPARTAMENTI AMERIKAN I

USHQIMIT DHE BARNAVE (FDA) DHE/OSE AGJENCIA EVROPIANE E

BARNAVE (EMA), PËR FURNIZIMIN E REPUBLIKËS SË SHQIPËRISË ME

KËTË VAKSINË

Në mbështetje të nenit 101 të Kushtetutës, me propozimin e ministrit të Shëndetësisë dhe

Mbrojtjes Sociale dhe ministrit të Shtetit për Rindërtimin, Këshilli i Ministrave

VENDOSI:

Neni 1

Dhënie autorizimi për zhvillimin e negociatave

Dhënien e autorizimit ministrit të Shëndetësisë dhe Mbrojtjes Sociale dhe ministrit të Shtetit

për Rindërtimin për zhvillimin e negociatave me prodhuesit e vaksinës Anticovid-19, të cilët janë

të certifikuar nga Departamenti Amerikan i Ushqimeve dhe Barnave (FDA) dhe/ose Agjencia

Evropiane e Barnave (EMA), për furnizimin e Republikës së Shqipërisë me këtë vaksinë, sipas

kushteve më të favorshme për Republikën e Shqipërisë.

Neni 2

Hyrja në fuqi

Ky akt normativ hyn në fuqi menjëherë dhe botohet në Fletoren Zyrtare.

KRYEMINISTËR

Edi Rama

1