Për autorizimin e Agjencisë Shtetërore për Shpronësimin për Negociimin e afatit të shpronësimit të pronarëve të pasurive të paluajtshme, pronë private, të nevojshme për ndërtimin e Spitalit të Fierit

Lloji: Akt normativ

Fletore Zyrtare: nr. 9, datë 2021-01-19

AKT NORMATIV

Nr. 2, datë 13.1.2021

PËR AUTORIZIMIN E AGJENCISË SHTETËRORE PËR SHPRONËSIMIN

PËR NEGOCIIMIN E AFATIT TË SHPRONËSIMIT TË PRONARËVE TË

PASURIVE TË PALUAJTSHME, PRONË PRIVATE, TË NEVOJSHME PËR

NDËRTIMIN E SPITALIT TË FIERIT

Në mbështetje të nenit 101 të Kushtetutës, me propozimin e ministrit Infrastrukturës dhe

Energjisë, Këshilli i Ministrave

VENDOSI:

Neni 1

Autorizimin e Agjencisë Shtetërore për Shpronësimin që të negociojë dhe të nënshkruajë

marrëveshje me pronarët e pasurive të paluajtshme, pronë private, që do të shpronësohen për

ndërtimin e spitalit të Fierit.

Neni 2

Marrëveshja përcakton të drejtën e përdorimit menjëherë të pasurisë së paluajtshme, pronë

private, para përfundimit të procedurës së shpronësimit.

Neni 3

Çdo pronar shpronësohet në përputhje me çmimin e përcaktuar në legjislacionin në fuqi.

Neni 4

Nënshkrimi

i marrëveshjes së përcaktuar në nenin 1, të këtij akti normativ, nuk pengon

pronarët për kundërshtimin në rrugë gjyqësore të çmimit të shpronësimit.

Neni 5

Ky akt normativ hyn në fuqi menjëherë dhe botohet në Fletoren Zyrtare.

ZËVENDËSKRYEMINISTËR

Erion Braçe

1