Për disa ndryshime dhe shtesa në ligjin nr. 9947, datë 7.7.2008, “Për pronësinë industriale”, i ndryshuar

Lloji: Ligj

Fletore Zyrtare: nr. 173, datë 2026-08-06

1 Ky ligj është përafruar plotësisht me Direktivën (BE) 2016/943, të Parlamentit Evropian dhe të Këshillit, datë 8 qershor

2016, “Mbi mbrojtjen e njohurive të fshehta dhe informacionit të biznesit (sekreteve tregtare) kundër përvetësimit,

përdorimit dhe zbulimit të paligjshëm”. Numri CELEX 32016L0943, Fletorja Zyrtare e Bashkimit Evropian, seria L, nr.

157, datë 15.6.2016, faqe 1–18.

LIGJ

Nr. 88/2026

PËR DISA NDRYSHIME DHE SHTESA NË LIGJIN NR. 9947, DATË 7.7.2008,

“PËR PRONËSINË INDUSTRIALE”, I NDRYSHUAR1

Në mbështetje të neneve 78, 81, pika 1, dhe 83, pika 1, të Kushtetutës, me propozimin e një

deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9947, datë 7.7.2008, “Për pronësinë industriale”, i ndryshuar, bëhen këto ndryshime

dhe shtesa:

Neni 1

Në nenin 111/dh, paragrafi ekzistues numërtohet si pikë 1 dhe pas tij shtohet pika 2, si më poshtë:

“2. Masat, procedurat dhe mjetet juridike të përcaktuara në pikën 1 të këtij neni, duhet:

a) të jenë të drejta dhe të arsyeshme;

b) të mos jenë në mënyrë të panevojshme të ndërlikuara ose të kushtueshme, si dhe të mos

përfshijnë afate të paarsyeshme kohore ose vonesa të pajustifikuara; dhe

c) të jenë të efektshme dhe me efekt parandalues.”.

Neni 2

Në nenin 111/e shtohet pika 6, si më poshtë:

“6. Masat, procedurat dhe mjetet juridike të parashikuara në këtë nen zbatohen në një mënyrë, që:

a) është proporcionale;