Për statutin e shoqërisë evropiane (SE)

Lloji: Ligj

Fletore Zyrtare: nr. 173, datë 2026-08-06

LIGJ

Nr. 78/2026

PËR STATUTIN E SHOQËRISË EVROPIANE (SE)1

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

FUSHA E ZBATIMIT, SELIA, REGJISTRIMI DHE PUBLIKIMET

Neni 1

Fusha e zbatimit

1. Ky ligj përcakton rregullat për sa u përket:

a) kushteve të themelimit të një shoqërie evropiane (SE) me seli të regjistruar në Republikën e

Shqipërisë;

b) funksionimit, strukturës dhe organizimit të saj të brendshëm;

c) marrëdhënieve me aksionarët, punëmarrësit dhe palët e treta;

ç) procedurave për transferimin e selisë së regjistruar të një SE-je;

d) procedurave për likuidimin, falimentimin ose shndërrimin e një SE-je;

dh) regjistrimit dhe mbikëqyrjes nga autoritetet shqiptare të SE-ve që veprojnë në ose nga

Shqipëria;

e) aspekteve të tjera që i nënshtrohen rregullimit kombëtar.

2. Ky ligj zbatohet për të gjitha subjektet që marrin pjesë në krijimin ose funksionimin e një

shoqërie evropiane me seli në territorin e Republikës së Shqipërisë, si dhe për autoritetet që merren

me regjistrimin dhe mbikëqyrjen e saj.

3. Përveç rasteve kur parashikohet ndryshe, dispozitat e këtij ligji zbatohen për një shoqëri

evropiane (Societas Europea, SE), me seli të regjistruar në Republikën e Shqipërisë dhe për shoqëritë

me seli të regjistruar në Republikën e Shqipërisë që marrin pjesë në themelimin e një SE-je.

Neni 2

Selia