Për Regjistrin Kombëtar të të Dënuarve për Krime Seksuale

Lloji: Ligj

Fletore Zyrtare: nr. 114, datë 2022-08-12

LIGJ

Nr. 62/2022

PËR REGJISTRIN KOMBËTAR TË TË DËNUARVE PËR KRIME SEKSUALE

Në mbështetje të neneve 54, 78, 81 dhe 83 , pika 1, të Kushtetutës, me nismën e më shumë se

20 mijë zgjedhësve, si dhe të një deputeti,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj ka si objekt:

1. Përcaktimin e parimeve , rregullave dhe procedurave në bazë të të cilave ndërmerret krijimi

dhe funksionimi i Regjistrit Kombëtar i të Dënuarve për Krime Seksuale.

2. Përcaktimin e autoriteteve përgjegjëse për administrimin dhe mirëmbajtjen e Regjistrit në

nivel qendror dhe vendor dhe detyrat e tyre përkatëse.

3. Sigurimin e monitorimit të procesit të regjistrimit të të dënuarve për krime seksuale.

Neni 2

Qëllimi

Ky ligj ka për qëllim:

1. Parandalimin e ngacmimit, dhunës, abuzimit apo shfrytëzimit seksual të çdo individi që jeton

në Republikën e Shqipërisë.

2. Përcaktimin e rregullave për ngritjen dhe funksionimin e Regjistrit Kombëtar të të Dënuarve

për Krime Seksuale.

3. Caktimin e përgjegjësive për autoritetet përgjegjëse, autoritetet e tjera dhe çdo institucion apo

organizata publike ose private, që punojnë për fëmijët ose viktimat e dhunës seksuale.

4. Marrjen e masa ve për evidentimin e plotë në Regjistër të të gjithë të dënuarve për krime

seksuale.