Për ratifikimin e akteve dhe dokumenteve të Kongresit të 25-të të Bashkimit të Përbotshëm Postar, Doha, 2012.

Lloji: Ligj

Fletore Zyrtare: nr. 93, datë 2015-05-08

LIGJ

Nr. 50/2015

PËR RATIFIKIMIN E AKTEVE DHE DOKUMENTEVE TË KONGRESIT

TË 25-TË TË BASHKIMIT TË PËRBOTSHËM POSTAR, DOHA, 2012

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohen aktet dhe dokumentet kryesore të Kongresit të 25-të të Bashkimit të Përbotshëm Postar,

Doha, 2012, si më poshtë, sipas teksteve bashkëlidhur këtij ligji:

1. Konventa Postare Universale;

2. Protokolli Përfundimtar i Konventës Postare Universale;

3. Rregullorja e Përgjithshme e Bashkimit Postar Universal;

4. Marrëveshja e Shërbimeve të Pagesave Postare;

5. Rregullat e Procedurës së Kongresit.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 14.5.2015

Shpallur me dekretin nr. 9118, datë 27.5.2015 të Presidentit të Republikës së Shqipë risë,

Bujar Nishani

KONVENTA POSTARE UNIVERSALE

Ne nënshkruesit, të plotfuqishëm të qeverive të shteteve anëtare të Bashkimit, në bazë të nenit 22.3

të Konventës të Bashkimit Postar Universal , të miratuar në Vjenë , më 10 korrik 1964, me një

marrëveshje të përbashkët dhe subjekt të nenit 25.4 të Kushtetutës, kemi miratuar në këtë marrëveshje,

rregullat e zbatueshme për të gjithë shërbimin postar ndërkombëtar.

PJESA I

RREGULLAT E PËRBASHKËTA TË ZBATUESHME PËR SHËRBIMIN POSTAR

NDËRKOMBËTAR