Për ratifikimin e marrëveshjes së shërbimit këshillimor financiar ndërmjet Këshillit të Ministrave të Republikës së Shqipërisë, përfaqësuar nga Ministria e Shëndetësisë, dhe Korporatës Financiare Ndërkombëtare.

Lloji: Ligj

Fletore Zyrtare: nr. 132, datë 2015-07-29

LIGJ

Nr. 78/2015

PËR RATIFIKIMIN E MARRËVESHJES SË SHËRBIMIT KËSHILLIMOR FINANCIAR NDËRMJET KËSHILLIT TË MINISTRAVE TË REPUBLIKËS

SË SHQIPËRISË, PËRFAQËSUAR NGA MINISTRIA E SHËNDETËSISË,

DHE KORPORATËS FINANCIARE NDËRKOMBËTARE

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja e shërbimit këshillimor financiar ndërmjet Këshillit të Ministrave të Republikës së Shqipërisë, përfaqësuar nga Ministria e Shëndetësisë, dhe Korporatës Financiare Ndërkombëtare, sipas tekstit bashkëlidhur këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 16.7.2015

Shpallur me dekretin nr. 9190, datë 27.7.2015 të Presidentit të Republikës së Shqipërisë, Bujar Nishani

NUMRI I PROJEKTIT 600511

MARRËVESHJE E SHËRBIMIT KËSHILLIMOR FINANCIAR

NDËRMJET KËSHILLIT TË MINISTRAVE TË REPUBLIKËS SË SHQIPËRISË, PËRFAQËSUAR NGA MINISTRIA E SHËNDETËSISË DHE KORPORATËS FINANCIARE NDËRKOMBËTARE

datë 5 shkurt 2015

Marrëveshje e datës 5 shkurt 2015, ndërmjet:

1. Këshillit të Ministrave të Republikës së Shqipërisë, përfaqësuar nga Ministria e Shëndetësisë (Klienti); dhe

2. Korporatës Financiare Ndërkombëtare, një organizatë ndërkombëtare e krijuar në bazë të neneve të Marrëveshjes ndërmjet vendeve të saj anëtare, përfshirë Republikën e Shqipërisë (IFC).