Për disa shtesa në ligjin nr.22/2014 “Për dhënie amnistie”.
Ligji nr. 92/2015, datë 23 korrik 2015, nga Kuvendi i Shqipërisë.
- Numri
- 92/2015
- Data e miratimit
- 23 korrik 2015
- Botuar në Fletoren Zyrtare
- nr. 144, 7 gusht 2015
- Hyn në fuqi
- 22 gusht 2015
- Teksti zyrtar
- Qendra e Botimeve Zyrtare
Fillimi i tekstit
Lloji: Ligj
Fletore Zyrtare: nr. 144, datë 2015-08-07
LIGJ
Nr. 92/2015
PËR DISA SHTESA NË LIGJIN NR.22/2014 “PËR DHËNIE AMNISTIE”
Në mbështetje të neneve 81, pikat 1 e 2,shkronja “ë”, dhe 83, pika 1, të Kushtetutës, me propozimin e
një grupi deputetësh,
KUVENDI
I REPUBLIKËS SË SHQIPËRISË
VENDOSI:
Neni 1
Në nenin 3, pas shkronjës “ç” shtohet shkronja “d” me këtë përmbajtje:
“d) personat e dënuar me burgim për veprën penale të ndërtimit të paligjshëm, parashikuar nga neni
199/a, paragrafi i dytë, i Kodit Penal, kur vepra penale është kryer jo më vonë se data 10 prill 2014.”
Neni 2
Në nenin 5 shtohet një paragraf me këtë përmbajtje:
“Amnistohen nga ndjekja penale të gjithë personat, të cilët akuzohen se kanë kryer veprën penale të
ndërtimit të paligjshëm, parashikuar nga neni 199/a i Kodit Penal, në rastet kur vepra penale në fjalë
është kryer jo më vonë se data 10 prill 2014.”
Neni 3
Ky ligj hyn në fuqi 15 ditë pas botimit në Fletoren Zyrtare.
Miratuar në datën 23.7.2015
Shpallur me dekretin nr. 9204, datë 30.7.2015 të Presidentit të Republikës së Shqipërisë, Bujar
Nishani
Kopje jozyrtare. Fuqi ligjore ka vetëm teksti i botuar në Fletoren Zyrtare. Statusin e aktit kontrollojeni te burimi zyrtar. Kjo nuk është këshillë juridike.