Për disa ndryshime dhe shtesa në ligjin nr. 64/2014, “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, të ndryshuar.

Lloji: Ligj

Fletore Zyrtare: nr. 185, datë 2015-10-26

LIGJ

Nr. 98/2015

PËR DISA NDRYSHIME DHE SHTESA NË LIGJIN NR. 64/2014, “PËR

PUSHTETET DHE AUTORITETET E DREJTIMIT E TË KOMANDIMIT TË

FORCAVE TË ARMATOSURA TË REPUBLIKËS SË SHQIPËRISË”, TË

NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 64/2014, “Për pushtetet dhe autoritetet e drejtimit e të komandimit të Forcave të

Armatosura të Republikës së Shqipërisë”, të ndryshuar, bëhen disa ndryshime dhe shtesa:

Neni 1

Në nenin 9 bëhen këto ndryshime dhe shtesa:

1. Pika 2 ndryshohet si më poshtë:

“2. Presidenti i Republikës, në kohë paqeje, e ushtron drejtimin e Forcave të Armatosura

nëpërmjet Kryeministrit dhe Ministrit të Mbrojtjes, ndërsa në kohë lufte i drejton Forcat e

Armatosura drejtpërdrejt ose nëpërmjet Komandantit të Forcave të Armatosura.”.

2. Në pikën 3, pas shkronjës “ë”, shtohen shkronjat “f” dhe “g” me këtë përmbajtje:

“f) miraton, me propozim të Ministrit të Mbrojtjes, planin e vendosjes dhe përhapjes së

Forcave të Armatosura në kohë paqeje;

g) nxjerr në rezervë ose në lirim, me propozim të Ministrit të Mbrojtjes, oficerët me grada

madhore.”.

Neni 2

Në nenin 13, pika 2, bëhen ndryshimet dhe shtesat si më poshtë:

1. Shkronja “rr” riformulohet si më poshtë:

“rr) emëron, liron ose shkarkon nga detyra personelin civil në Ministrinë e Mbrojtjes dhe në