Për inspektimin financiar publik.

Lloji: Ligj

Fletore Zyrtare: nr. 186, datë 2015-10-27

LIGJ

Nr. 112/2015

PËR INSPEKTIMIN FINANCIAR PUBLIK

Në mbështetje të neneve 78 e 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti i ligjit

Ky ligj përcakton qëllimin, parimet dhe rregullat e përgjithshme të inspektimit financiar publik, si

dhe detyrat e përgjegjësitë e strukturave të përfshira në proces.

Neni 2

Misioni

Misioni i inspektimit financiar publik është garantimi i zbatimit të ligjshmërisë në përdorimin e

fondeve publike dhe dhënia e ndihmës në përmirë-simin e menaxhimit financiar publik.

Neni 3

Qëllimi i ligjit

Ky ligj ka si qëllim mbrojtjen e interesave financiarë të njësive publike, kundrejt keqmena-xhimit

të rëndë financiar, mashtrimit, vjedhjes, shkatërrimit të pronës, shpërdorimit të detyrës apo

korrupsionit.

Neni 4

Fusha e zbatimit të ligjit

Subjekt i inspektimeve financiare publike janë:

a) njësitë e qeverisjes së përgjithshme;

b) shoqëritë shtetërore, organizatat jofitim-prurëse dhe autoritetet e përbashkëta që zotërohen,

kontrollohen, financohen ose garantohen financiarisht nga një njësi e qeverisjes së përgjith-shme, ose

në të cilën një njësi e qeverisjes së përgjithshme zotëron apo kontrollon një pjesë të aksioneve, e cila i

jep të drejtën e kontrollit;