Për ratifikimin e marrëveshjes së konsulencës ndërmjet Këshillit të Ministrave të Republikës së Shqipërisë dhe Korporatës Financiare Ndërkombëtare.

Lloji: Ligj

Fletore Zyrtare: nr. 195, datë 2015-11-13

LIGJ

Nr. 117/2015

PËR RATIFIKIMIN E MARRËVESHJES SË KONSULENCËS NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE KORPORATËS FINANCIARE NDËRKOMBËTARE

Në mbështetje të neneve 78, 83, pika 1, dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja e konsulencës ndërmjet Këshillit të Ministrave të Republikës së Shqipërisë dhe Korporatës Financiare Ndërkombëtare, sipas tekstit bashkëlidhur këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 29.10.2015

Shpallur me dekretin nr. 9310, datë 6.11.2015 të Presidentit të Republikës së Shqipërisë, Bujar Nishani

Projektet nr. 600476, 599174

MARRËVESHJE KONSULENCE

NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE KORPORATËS FINANCIARE NDËRKOMBËTARE

(datë 18 gusht 2015)

Sot, më 18 gusht 2015: 1. Këshilli i Ministrave i Republikës së Shqipërisë (Klienti) nënshkruan këtë Marrëveshje; me 2. Korporatën Financiare Ndërkombëtare, një organizatë ndërkombëtare e themeluar në bazë të neneve të Marrëveshjes midis vendeve anëtare, duke përfshirë Republikën e Shqipërisë (IFC). Në këtë Marrëveshje termi “Palët” ndonjëherë përdoret për t’iu referuar bashkërisht IFC-së dhe Klientit dhe termi “Pala” ndonjëherë përdoret për t’iu referuar njërës prej tyre veçmas,

duke marrë në konsideratë se: