Për ratifikimin e marrëveshjes ndërmjet Këshillit të Ministrave të Republikës së Shqipërisë dhe Qeverisë së Republikës së Singaporit për shërbimet ajrore.

Lloji: Ligj

Fletore Zyrtare: nr. 246, datë 2015-12-31

LIGJ

Nr. 148/2015

PËR RATIFIKIMIN E MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS SË SINGAPORIT PËR SHËRBIMET AJRORE

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Këshillit të Ministrave të Republikës së Shqipërisë dhe Qeverisë së Republikës së Singaporit për shërbimet ajrore, sipas tekstit bashkëlidhur këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 21.12.2015

Shpallur me dekretin nr. 9380, datë 6.1.2016, të Presidentit të Republikës së Shqipërisë, Bujar Nishani

MARRËVESHJE

NDËRMJET KËSHILLIT TË MINISTRAVE TË REPUBLIKËS SË SHQIPËRISË

DHE QEVERISË SË REPUBLIKËS SË SINGAPORIT PËR SHËRBIMET AJRORE

Këshilli i Ministrave i Republikës së Shqipërisë dhe Qeveria e Republikës së Singaporit (më poshtë e quajtur individualisht “Shqipëria” dhe “Singapori”, përkatësisht dhe së bashku “Palët Kontraktuese”);

duke qenë palë në Konventën e Aviacionit Ndërkombëtar Civil të hapur për nënshkrim në Çikago, më 7 dhjetor 1944;

duke njohur rëndësinë e transportit ajror si mjet për krijimin dhe ruajtjen e miqësisë, mirëkuptimit dhe bashkëpunimit ndërmjet popujve të Palëve Kontraktuese;