Për ratifikimin e marrëveshjes ndërmjet Republikës së Shqipërisë dhe Hungarisë për mbrojtjen shoqërore.

Lloji: Ligj

Fletore Zyrtare: nr. 246, datë 2015-12-31

LIGJ Nr. 151/2015

PËR RATIFIKIMIN E MARRËVESHJES NDËRMJET REPUBLIKËS SË SHQIPËRISË

DHE HUNGARISË PËR MBROJTJEN SHOQËRORE

Në mbështetje të neneve 78, 83 pika 1, dhe 121, pika 1 e Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Republikës së Shqipërisë dhe Hungarisë për mbrojtjen

shoqërore.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 21.12.2015

Shpallur me dekretin nr. 9383, datë 6.1.2016, të Presidentit të Republikës së Shqipërisë, Bujar

Nishani

MARRËVESHJE

NDËRMJET REPUBLIKËS SË SHQIPËRISË DHE HUNGARISË PËR MBROJTJEN

SHOQËRORE

Republika e Shqipërisë dhe Hungaria, më poshtë të quajtura “Palët Kontraktuese”, të nxitura nga

dëshira për të vendosur dhe rregulluar marrëdhëniet e tyre në fushën e mbrojtjes shoqërore, kanë rënë

dakord si më poshtë:

PJESA I

DISPOZITA TË PËRGJITHSHME

Neni 1

Përkufizime

1. Për qëllimin e kësaj Marrëveshjeje:

a) “territor” do të thotë, për sa i përket Republikës së Shqipërisë, territori i Republikës së Shqipërisë;

për sa i përket Hungarisë, territori i Hungarisë;

b) “shtetas” do të thotë për sa i përket Republikës së Shqipërisë: personat fizikë që në përputhje me

legjislacionin në fuqi, konsiderohen si shtetas të Republikës së Shqipërisë.