Për ratifikimin e Konventës së Këshillit të Europës kundër Trafikimit të Organeve Njerëzore.

Lloji: Ligj

Fletore Zyrtare: nr. 246, datë 2015-12-31

LIGJ

Nr. 150/2015

PËR RATIFIKIMIN E KONVENTËS SË KËSHILLIT TË EUROPËS KUNDËR

TRAFIKIMIT TË ORGANEVE NJERËZORE

Në mbështetje të neneve 78, 83, pika 1, dhe 121, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet Konventa e Këshillit të Europës Kundër Trafikimit të Organeve Njerëzore,

nënshkruar në Sandiago de Compostela më 25 mars 2015, sipas tekstit bashkëlidhur këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 21.12.2015

Shpallur me dekretin nr. 9382, datë 6.1.2016, të Presidentit të Republikës së Shqipërisë, Bujar

Nishani

KONVENTA E KËSHILLIT TË EVROPËS KUNDËR TRAFIKIMIT TË ORGANEVE

NJERËZORE

Parathënie

Shtetet Anëtare të Këshillit të Evropës dhe nënshkrues të tjerë të kësaj Konvente;

duke pasur parasysh Deklaratën Universale të të Drejtave të Njeriut, të shpallur nga Asambleja e

Përgjithshme e Kombeve të Bashkuara, më 10 dhjetor 1948 dhe Konventën për Mbrojtjen e të Drejtave

të Njeriut dhe Lirive Themelore (1950, ETS nr. 5);

duke pasur parasysh Konventën për Mbrojtjen e të Drejtave dhe Dinjitetin e Njeriut në lidhje me

Aplikimin e Biologjisë dhe Mjekësisë: Konventën për të Drejtat e Njeriut dhe Biomjekësinë (1997, ETS

nr. 164) dhe Protokollin Shtesë të Konventës për të Drejtat e Njeriut dhe Biomjekësisë në lidhje me