PËR RATIFIKIMIN E MARRËVESHJES SË HUAS NDËRMJET REPUBLIKËS SË SHQIPËRISË DHE BANKËS NDËRKOMBËTARE PËR RINDËRTIM DHE ZHVILLIM PËR PROJEKTIN “OFRIMI I SHËRBIMEVE PUBLIKE ME NË QENDËR QYTETARIN”

Lloji: Ligj

Fletore Zyrtare: nr. 23, datë 2016-02-17

LIGJ

Nr. 3/2016

PËR RATIFIKIMIN E MARRËVESHJES SË HUAS NDËRMJET REPUBLIKËS

SË SHQIPËRISË DHE BANKËS NDËRKOMBËTARE PËR RINDËRTIM DHE ZHVILLIM PËR PROJEKTIN “OFRIMI I SHËRBIMEVE PUBLIKE ME NË QENDËR QYTETARIN”

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja e huas ndërmjet Republikës së Shqipërisë dhe Bankës Ndër-kombëtare për Rindërtim dhe Zhvillim për projektin “Ofrimi i shërbimeve publike me në qendër qytetarin”, sipas tekstit bashkëlidhur këtij ligji dhe pjesëve përbërëse të tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 28.1.2016

Shpallur me dekretin nr. 9418, datë 9.2.2016 të Presidentit të Republikës së Shqipërisë, Bujar Nishani

Departamenti ligjor

Drafti përfundimtar konfidencial

I negociuar

(I ndryshueshëm)

Nightingale Rukuba-Ngaiza

HUAJA NUMËR 8521-AL

MARRËVESHJE HUAJE

(PROJEKTI I OFRIMIT TË SHËRBIMEVE PUBLIKE ME QENDËR QYTETARIN) NDËRMJET TË REPUBLIKËS SË SHQIPËRISË DHE BANKËS NDËRKOMBËTARE PËR RINDËRTIM DHE ZHVILLIM E DATËS

23 SHTATOR 2015

NUMRI I HUAS 8521-AL

Marrëveshje e datës 23 shtator 2015, ndërmjet Republikës së Shqipërisë (Huamarrësi) dhe Bankës Ndërkombëtare për Rindërtim dhe Zhvillim (Banka). Nëpërmjet saj, Huamarrësi dhe Banka bien dakord për sa më poshtë:

Neni I

Kushte të përgjithshme: Përkufizime