PËR RATIFIKIMIN E MARRËVESHJES PËR THEMELIMIN E FONDIT TË BALLKANIT PERËNDIMOR DHE STATUTIT TË TIJ

Lloji: Ligj

Fletore Zyrtare: nr. 23, datë 2016-02-17

LIGJ

Nr. 6/2016

PËR RATIFIKIMIN E MARRËVESHJES PËR THEMELIMIN E FONDIT TË

BALLKANIT PERËNDIMOR DHE STATUTIT TË TIJ

Në mbështetje të neneve 78, 83, pika 1, dhe 121, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja për themelimin e Fondit të Ballkanit Perëndimor dhe statutit të tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 4.2.2016

Shpallur me dekretin nr. 9421, datë 11.2.2016 të Presidentit të Republikës së Shqipërisë, Bujar

Nishani

MARRËVESHJE

PËR THEMELIMIN E FONDIT TË BALLKANIT PERËNDIMOR

Qeveritë e Republikës së Shqipërisë, Bosnjë dhe Hercegovinës, Kosovës∗, Republikës së Maqedonisë,

Malit të Zi dhe Republikës së Serbisë (referuar në vijim si “Palë Kontraktuese”);

Të udhëhequra nga dispozitat e Deklaratës së Përbashkët të Ballkanit Perëndimor, të nënshkruar më

31 tetor 2014, në Bratislavë,

bien dakord si më poshtë:

Neni l

Themelohet Fondi i Ballkanit Perëndimor (referuar në vijim si “Fondi”), me seli në Tiranë.

Neni 2

Miratohet Statuti i Fondit dhe përbën një aneks të kësaj Marrëveshjeje.

Neni 3

Kjo Marrëveshje dhe aneksi i tij mund të amendohen me shkrim, me miratim të Palëve Kontraktuese.

Neni 4

1. Kjo Marrëveshje është e hapur për nënshkrim nga Palët Kontraktuese.