PËR RATIFIKIMIN E MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS FEDERALE TË GJERMANISË PËR BASHKËPUNIMIN KULTUROR DHE TË SHTOJCËS SË KËSAJ MARRËVESHJEJE

Lloji: Ligj

Fletore Zyrtare: nr. 32, datë 2016-03-01

LIGJ

Nr. 11/2016

PËR RATIFIKIMIN E MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS FEDERALE TË GJERMANISË PËR BASHKËPUNIMIN KULTUROR DHE TË SHTOJCËS SË KËSAJ MARRËVESHJEJE

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Këshillit të Ministrave të Republikës së Shqipërisë dhe Qeverisë së Republikës Federale të Gjermanisë për Bashkëpunimin Kulturor dhe shtojca e kësaj marrëveshjeje, sipas tekstit bashkëlidhur këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 11.2.2016

Shpallur me dekretin nr. 9438, datë 18.2.2016 të Presidentit të Republikës së Shqipërisë, Bujar Nishani

MARRËVESHJE

NDËRMJET QEVERISË SË REPUBLIKËS SË SHQIPËRISË DHE QEVERISË SË REPUBLIKËS FEDERALE TË GJERMANISË MBI BASHKËPUNIMIN KULTUROR

Qeveria e Republikës së Shqipërisë dhe Qeveria e Republikës Federale të Gjermanisë,

duke synuar të forcojnë marrëdhëniet mes dy vendeve dhe të thellojnë mirëkuptimin e ndërsjellë,

me bindjen se shkëmbimi kulturor nxit bashkëpunimin mes popujve dhe të kuptuarit e kulturës, jetës shpirtërore dhe formave të jetesës së popujve të tjerë;