PËR RATIFIKIMIN E MARRËVESHJES PËR THEMELIMIN E QENDRËS SË KËRKIMIT SHKENCOR DHE INOVACIONIT TË BALLKANIT PERËNDIMOR (WISE)

Lloji: Ligj

Fletore Zyrtare: nr. 47, datë 2016-03-31

LIGJ

Nr. 16/2016

PËR RATIFIKIMIN E MARRËVESHJES PËR THEMELIMIN E QENDRËS

SË KËRKIMIT SHKENCOR DHE INOVACIONIT TË BALLKANIT

PERËNDIMOR (WISE)

Në mbështetje të neneve 78, 83, pika 1, dhe 121, pika 1 të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja për themelimin e Qendrës së Kërkimit Shkencor dhe Inovacionit të

Ballkanit Perëndimor (WISE).

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 10.3.2016

Shpallur me dekretin nr. 9472, datë 24.3.2016, të Presidentit të Republikës së Shqipërisë,

Bujar Nishani

MARRËVESHJE

MBI THEMELIMIN E QENDRËS SË KËRKIMIT SHKENCOR DHE INOVACIONIT

TË BALLKANIT PERËNDIMOR– WISE

Preambulë

Republika e Shqipërisë, Bosnja dhe Hercegovina, Republika e Kroacisë, Kosova, ish-Republika

Jugosllave e Maqedonisë, Mali i Zi dhe Republika e Serbisë janë palë në këtë Marrëveshje (më poshtë

të referuara si “Palët”),

duke mirëpritur zhvillimin kryesor dhe përparimin e arritur në rajonin e Evropës Juglindore në

procesin e integrimit të Bashkimit Evropian (BE) gjatë dekadës së fundit;

duke theksuar se bashkëpunimi rajonal në kërkim dhe zhvillim është një mjet i vlefshëm bazë i

sfidave të përbashkëta dhe një mjet për nxitjen e zhvillimit ekonomik të qëndrueshëm dhe kohezionit

social, si dhe një mjet mbështetës për integrimin evropian;