PËR RATIFIKIMIN E MARRËVESHJES NË LIDHJE ME PROGRAMIN E SHKËMBIMIT TË STUDIMEVE UNIVERSITARE NË EVROPËN QENDRORE (CEEPUS III)

Lloji: Ligj

Fletore Zyrtare: nr. 49, datë 2016-04-01

LIGJ

Nr. 25/2016

PËR RATIFIKIMIN E MARRËVESHJES NË LIDHJE ME PROGRAMIN

E SHKËMBIMIT TË STUDIMEVE UNIVERSITARE NË EVROPËN

QENDRORE (CEEPUS III)

Në mbështetje të neneve 78, 83, pika 1, dhe 121, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja në lidhje me programin e shkëmbimit të studimeve universi-tare në

Evropën Qendrore (CEEPUS III).

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 10.3.2016

Shpallur me dekretin nr. 9477, datë 24.3.2016, të Presidentit të Republikës së Shqipërisë,

Bujar Nishani

MARRËVESHJE

NË LIDHJE ME PROGRAMIN E SHKËMBIMIT TË

STUDIMEVE UNIVERSITARE NË EVROPËN QENDRORE

(CEEPUS III)

Palët Kontraktuese, me dëshirën për të nxitur bashkëpunimin në fushën e arsimit të lartë brenda

kuadrit të Programit të Shkëmbimit në Evropën Qendrore për Studimet Universitare, këtu të quajtur

CEEPUS III,

kanë rënë dakord si më poshtë:

Neni 1

1. Bashkëpunimi ndërmjet Palëve Kontrak-tuese në fushën e arsimit të lartë dhe kërkimi përkatës,

veçanërisht bashkëpunimi dhe lëvizja ndëruniversitare nxitet në pajtim me këtë Marrëveshje.

2. Bashkëpunimi i përmendur në paragrafin 1, me përjashtim të bursave Freemover, të

përmendura në nenin 2, paragrafi 6, zhvillohet në kuadrin e rrjeteve të Programit të Shkëmbimit në